Uski Maadri Zubaan

Noor-e-zindagi Hoti kya hai
Usko khabar kahan thi
Woh tau nannha masoom sa
Ankhon se ek shair
Aur phir hairat zadaa
Jaise k Woh Janna chhata ho
Har shæ ko
Uske Sawaal O jawaab ke faasle
Aur uska tæ hona
Zaruart thi ek zubaan ki
Isse pehle k woh Kuch sikhta aur janta
Kudrat ne usko ek lafz shayad pehle hi Shikha Rakhi ho
“Maa”. Han. Yahi Woh lafz thi
Jo uske zubaan se nikli
Maushiki jaisi
Kaan mein gunzti iski laher
Jaise jism k iss azu Ka
Haq adaa ho Gaya
Rafta rafta ek zubaan parwarish pane lagi
Urdu tha uska naam
Goya k ek Zindagi jaisi
Zubaan badi Hoti gayi
Baag mein khade nariyal ke ped k Jaise
Zubaan se usko pehle waldain se aashna karwaya
Aur dost wa ahbaab
Kudrat ki haqiaqat pe parde ab shayad upar ki jaanib badhne lage
Aur Woh khuda ki wahdaaniayt se aashna hua
Aur uski zubaan ne insaan hone k makaaasid se uski roo-baroo karai
Zaroorat ho kya shauk
Uski taqmil zubaan ne ki
Kanoon , kawaayed
Kisse,kahniyan
Mir ho ya Ghalib
Iqbal ya Faiz
Manto ya Premchand
Urdu ne oos masoom ki kya laajawaab
Nashunuma ki
Taarik raahen aur uspe Chand ki roshni Ka aajana
Kahaaniyon ki kirdaaron ko jina
Waraq pe likhi zundagiyon ki kashmakash
Urdu ne kya oos Jawan zehen ko kya khoob daulat bakshi
Woh Sapna v Dekha tau Urdu mein
Aur usko Haqiqat ka rang dene
Se joori aazmasih v usko Urdu ne hi sikhaya
Na haarne Ka jazbaa
Aur Dard mein muskurana
Yeh saara kamaal o Jamaal
Uski maadri zubaan ka ek adnaa sa tohfa
Zubaan tau aise har koi Sikh jaata Hai
Lekin usko apni aawaaz nh bana paate
Par Urdu ke kya kehne
Isne Uske zehen ko ek na bujhne wali awaaz ataa ki
Kudrat se hassas pajiri aur uski maarfat ka zikr
Sab Urdu ne Kiya
Ek jahaan raushan hai
Urdu k ek tabak se
©jeyforyou

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s